پیپلزپارٹی کے چیرمین بلاول بھٹو زرداری نے سابق وزیر اعظم نواز شریف سے ملاقات کا فیصلہ کر لیا

رسائی نیوزلاہور:ملک میں دو بڑی اپوزیشن جماعتوں کے درمیان سیاسی منظر نامے پر بڑی پیش رفت سامنے آئی ہے۔ بلاول بھٹو کوٹ لکھپت جیل میں نواز شریف سے ملاقات کریں گے اور پیپلز پارٹی نے ملاقات کے لئے محکمہ داخلہ پنجاب کو درخواست دیدی ہے جس میں نواز شریف سے بلاول بھٹو کی ملاقات کی اجازت مانگی گئی ہے۔محکمہ داخلہ پنجاب نے بلاول بھٹو کو نوازشریف کی عیادت کی اجازت دے دی ہے اور بلاول آج شام 5 بجے نوازشریف کی عیادت کے لئے کوٹ لکھپت جیل جائیں گے۔ بلاول بھٹو کوٹ لکھپت جیل میں نوازشریف کی صحت کے بارے میں دریافت کرنا چاہتے ہیں اور وہ اپنے ٹویٹ میں بھی ان کی صحت پر تشویش کا اظہار کرچکے ہیں۔ یاد رہے کہ گزشتہ روز وزیراعظم عمران خان اور بلاول بھٹو زرداری نے ایک دوسرے کے خلاف تند و تیز بیانات دیے تھے۔

اس خبر پر اپنی رائے کا اظہار کریں