پنجاب 56 کمپنی سکینڈل میں پیش رفت نیب نے 16 کروڑ 72 لاکھ روپے ریکورکر لئے

رسائی نیوز نمائندہ خصوصی لاہور:نجاب 56 کمپنیز سکینڈل میں لوٹنے والوں سے ریکوری کے بعد سرکاری خزانے میں جمع ہونا شروع ہو گئے، ڈی جی نیب لاہور شہزاد سلیم کی جانب سے مزید 16 کروڑ 72 لاکھ روپے سے زائد لوٹی ہوئی رقم ملزمان سے ریکور کر کے حکومتی اداروں کے نمائندوں کو چیک دیدئیے گئے۔ نیب ترجمان کے مطابق وصول کنندگان میں لاہور پارکنگ کمپنی 7 کروڑ 13 لاکھ مالیت کا چیک حوالے کیا گیا، کمپنی کے ساتھ ہونیوالے معاہدے میں نجی بینک کو نقصان پہنچانے والے ملزمان سے 4 کروڑ 52 لاکھ روپے کا چیک متعلقہ حکام کے حوالے کیا۔ نیب ترجمان کے مطابق چیف سیکرٹری پنجاب کے نمائندے کو 1 کروڑ 35 لاکھ روپے کا چیک دیا گیا۔ نیب ترجمان کا کہنا ہے کہ ایل ڈی اے حکام نے 90 لاکھ 35 ہزار مالیت کا چیک وصول کیا ہے۔ اس حوالے سے ڈی جی نیب لاہور شہزاد سلیم نے اس موقع پر کہا کہ نیب لاہور سال 2018 میں ملزمان سے 4 ارب سے زائد کی ریکارڈ وصولی کر چکا ہے اور لوٹی ہوئی رقم ملزمان سے لیکر خزانے میں جمع کروا رہے ہیں، نیب تمام کیسز کو میرٹ کی بنیاد پر دیکھتا ہے۔

اس خبر پر اپنی رائے کا اظہار کریں