پاکستان اور جنوبی افریقا کے درمیان سیریز کا آخری اور فیصلہ کن میچ آج کیپ ٹاؤن میں کھیلا جائے گا

رسائی نیوز ویب ڈیسک:جنوبی افریقا اور پاکستان کے درمیان جاری پانچ ایک روزہ میچوں کی سیریز کا آخری میچ جنوبی افریقی شہر کیپ ٹاؤن میں آج کھیلا جائے گا، آج کا میچ دونوں ٹیموں کے لیے انتہائی اہمیت کا حامل ہے، پانچ میچوں کی سریز ابھی تک 2-2 سے برابر ہے اور میچ جیتنے والی ٹیم سیریز بھی اپنے نام کرلے گی۔قومی ٹیم کپتان سرفراز احمد کے بغیر میدان میں اترے گی جب کہ ٹیم کی قیادت شعیب ملک کریں گے، سرفراز احمد کو آئی سی سی کے نسل پرستانہ کوڈ کی خلاف ورزی کرنے پر 4 میچوں کے لیے معطل کیا گیا جس کے باعث سرفراز جنوبی افریقا کے خلاف چوتھا ایک روزہ میچ بھی نہیں کھیل سکے تھے۔یادرہے کہ جنوبی افریقا کے خلاف ٹیسٹ سیریز میں قومی ٹیم کو 0-3 سے شکست کا سامنا کرنا پڑا تھا۔

اس خبر پر اپنی رائے کا اظہار کریں