وزیر اعظم عمران خان آج سمندر پار پاکستانیوں کی سہولت کے لیے ڈیجیٹل پورٹل کا آغاز کریں گے ، پورٹل سے پاور آف اٹارنی کی تصدیق ہو سکے گی

اسلام آباد۔: وزیر اعظم عمران خان آج (جمعرات کو) سمندر پار پاکستانیوں کی سہولت کے لیے ڈیجیٹل پورٹل کا آغاز کریں گے جس کی بدولت پاور آف اٹارنی کی تصدیق کی جاسکے گی۔وزیراعظم آفس کے میڈیا ونگ سے جاری بیان کے مطابق تقریب میں وزارت خارجہ اور نادرا کے مابین مفاہمتی یادداشت بھی دستخط ہوگی۔

یہ پورٹل نادرا کے ڈیٹابیس سے منسلک ہوگا اور ابتدائی طور پر 10 ممالک میں شروع کیا جا رہا ہے جس کا دائرہ کار پاکستان کے تمام بیرون ممالک سفارت خانوں اور قونصل خانوں تک بڑھا دیا جائے گا۔اس ڈیجیٹل پورٹل کی بدولت اب سمندر پار پاکستانی آن لائن پاور آف اٹارنی کی تصدیق کروا سکتے ہیں اور جس کے لیے ذاتی موجودگی ضروری نہیں۔

اس پورٹل کی بدولت صارفین اپنی درخواستوں کا اسٹیٹس بھی چیک کر سکتے ہیں۔ نادرا کی وساطت سے تیار کردہ اس پورٹل سے سمندر پار پاکستانیوں کو وقت اور پیسے کی بچت ہوگی اور اب با آسانی قانونی ضروریات کو ہورا کیا جاسکے گا۔

اس خبر پر اپنی رائے کا اظہار کریں