نیب حمزہ شہباز کو گرفتار کرنے سے پہلے آگاہ کرے:لاہور ہائی کورٹ

رسائی نیوز نمائندہ خصو صی لاہور:لاہور ہائیکورٹ کے جسٹس طارق عباسی کی سربراہی میں 2 رکنی بنچ نے حمزہ شہباز کی قبل از گرفتاری درخواست ضمانت پر سماعت کی۔ حمزہ شہباز عدالت کے روبرو پیش ہوئے جبکہ انکے وکیل نے دلائل دئیے کہ سپریم کورٹ کے فیصلے کے تحت کسی بھی ملزم کو گرفتاری سے 10 دن پہلے آگاہ کیا جائے گا۔ بینچ کے سربراہ جسٹس محمد طارق عباسی کے استفسار پر نیب پراسیکیوٹر نے بتایا کہ حمزہ شہباز شریف کے کسی بھی انکوائری میں وارنٹ گرفتاری جاری نہیں کیے گئے۔ عدالت نے ریمارکس دئیے کہ ابھی وارنٹ ہی جاری نہیں کیے گئے تو آپ کی درخواست پر پیشرفت کیسے ہو سکتی ہے۔ عدالت نے حمزہ شہباز کی درخواست ضمانت قبل از گرفتاری واپس لینے کی بنیاد پر نمٹا دی اور نیب کو ہدایت کی کہ وارنٹ گرفتاری جاری کرنے سے 10 روز قبل درخواست گزار کو آگاہ کیا جائے گا۔

اس خبر پر اپنی رائے کا اظہار کریں