روزانہ ورزش بچوں کے ذخیرہ الفاظ بڑھانے میں مددگار ثابت ہوسکتی ہے, تحقیق

امریکا کی ڈیلا ویئر یونیورسٹی کی تحقیق میں بتایا گیا ہےکہ روزانہ کچھ دیر کی ورزش بچوں کے ذخیرہ الفاظ کو بڑھانے میں مددگار ثابت ہوسکتی ہے۔

میڈیا رپورٹ کے مطابق طبی جریدے جرنل آف سپیچ لینگوئج اینڈ ہیئرنگ ریسرچ میں شائع تحقیق میں جسمانی سرگرمیوں یا ورزش کے بچوں کی زبان دانی پر اثرات پر روشنی ڈالی گئی۔تحقیق میں 6سے 12سال کے بچوں کو سوئمنگ، کراس فٹ ایکسر سائز یا ڈرائنگ کرنے سے پہلے چند نئے الفاظ سکھائے گئے ۔

محققین نے دریافت کیا کہ جن بچوں کو تیراکی کا موقع ملا، انہوں نے ان الفاظ کے ٹیسٹوں میں 13فیصد زیادہ بہتر کارکردگی کا مظاہرہ کیا۔ انہوں نے کہا کہ یہ قابل فہم ہے کیونکہ ورزش سے دماغی نشوونما تیز ہوتی ہے اور نئے الفاظ کو سمجھنے میں مدد ملتی ہے ۔ ماہرین نے بتایا کہ ہم پرجوش ہیں ورزش کا اطلاق آسانی سے کیا جاسکتا ہے اور والدین، استاد اور دیگر بچوں کو اس کی مشق کراسکتے ہیں۔

اس خبر پر اپنی رائے کا اظہار کریں