دہشت گردی اورانتہا پسندی کے خلاف جنگ ابھی ختم نہیں ہوئی:آرمی چیف

رسائی نیوزنمائندہ خصوصی راولپنڈی:پاک فوج کے شعبہ تعلقات عامہ کے مطابق آرمی چیف جنرل قمر جاوید باجوہ نے ملتان چھاؤنی کا دورہ کیا اور اسٹرائیک کور کی تربیتی مشقیں دیکھیں۔ آرمی چیف نے ملتان گیرژن میں آفیسرز سے بھی ملاقات کی جس میں ملک کی سیکیورٹی صورتحال پر تبادلہ خیال کیا گیا۔ آرمی چیف کا کہنا تھا کہ دہشت گردی اور انتہا پسندی کے خلاف جنگ ابھی ختم نہیں ہوئی، دہشت گردی و شدت پسندی کی وجوہات کو ختم کرنے کی ضرورت ہے، انسداد دہشت گردی کے بعد استحکام کے لئے آپریشن کر رہے ہیں۔ ان کا کہنا تھا کہ کچھ عناصردانستہ و نا دانستہ ملک کو تصادم کی جانب لے جا رہے ہیں تاہم ریاست میں مذہب اور لسانیت کی بنیاد پر انتشار پھیلنے نہیں دیں گے۔ آرمی چیف جنرل قمر جاوید باجوہ کا کہنا تھا کہ سماجی اور اقتصادی ترقی کی کوششوں کی حمایت کریں گے جب کہ امن و استحکام قانون کی عملداری سے ہی ممکن ہے۔

اس خبر پر اپنی رائے کا اظہار کریں