ایمن اورمنیب : شادی پرپانی کی طرح پیسہ بہانے پر تنقید کا شکار

رسائی نیوز ویب ڈیسک : نامور پاکستانی اداکارہ ایمن خان اور اداکار منیب بٹ کی شادی کی رسمیں گزشتہ کئی ہفتوں سے جاری ہیں، مہندی، مایوں، ڈھولکی اور نہ جانے کون کون سی رسموں کے بعد دونوں رواں ہفتے کی ابتدا میں نکاح کے بندھن میں بندھے تھے اور شائقین نے سکون کا سانس لیا تھا، لیکن شادی کے مختلف فنکشنزاب بھی مسلسل جاری ہیں جنہوں نے سوشل میڈیا صارفین کو زچ کرکے رکھ دیا ہے۔ شادی پر بے انتہا فضول خرچہ کرنے اور پیسہ پانی کی طرح بہانے پر صارفین نے اسٹار جوڑی کو تنقید کا نشانہ بناتے ہوئے آڑے ہاتھوں لے لیا۔

سوشل میڈیا صارفین نے شادی کی طویل رسموں پر غصے کا اظہار کرتے ہوئے کہا کہ پیسہ اس طرح ضائع کرنے سے بہتر ہے یہ لوگ پیسے کو کسی ضروری کام میں لگائیں۔ ایک صارف نے لکھا یہ دونوں شادی پرپانی کی طرح پیسہ بہاکرغیرحقیقی رسموں کو بڑھاوا دے رہے ہیں، ہمارے یہاں پہلے ہی شادی کی مختلف رسموں کے نام پر پیسہ ضائع کیا جاتا ہے مہربانی کرکے یہ مت کریں کیونکہ یہاں اور بہت سارے لوگ ہیں جو شادی کی چھوٹی سی تقریب کے بھی متحمل نہیں۔
کچھ صارفین نے شادی کی طویل رسموں کا مذاق اڑاتے ہوئے اپنے غصے کااظہار کیا۔

اس خبر پر اپنی رائے کا اظہار کریں