افغان طالبان نے ملاعبدالغنی برادر کو قطر میں سیاسی دفتر کا سربراہ مقرر کردیا ۔

رسائی نیوزویب ڈیسک: افغان طالبان نے ملاعبدالغنی برادر کو مشیر برائے سیاسی معاملات اور قطر میں سیاسی دفتر کا سربراہ مقرر کردیا گیا ہے۔ ترجمان افغان طالبان ذبیح اللہ مجاہد کا کہنا ہے کہ ملاعبدالغنی برادر کو امریکا سے جاری مذاکرات کی پائیداری اور معاملات کو بہتر طریقے سے انجام دہی کے لیے نامزد کیا گیا ہے۔ افغانستان میں 17 سالہ لڑائی کے خاتمے کے لیے قطر میں امریکا اور طالبان کے درمیان بات چیت کا عمل جاری ہے تاہم اس حوالے سے آج بیان جاری کیا جا سکتا ہے۔یاد رہے کہ گزشتہ سال اکتوبر میں پاکستان کی جانب سے 2010 میں گرفتار کیے جانے والے ملا برادر کو رہا کیا گیا تھا، پاکستانی حکام کے مطابق افغان طالبان کے اسیر رہنما ملا عبدالغنی برادر کو افغان امن عمل میں تعاون کیلئے رہا کیا گیا ہے۔

اس خبر پر اپنی رائے کا اظہار کریں