اجے دیوگن کی نئی رومینٹک کامیڈی فلم ’’دے دے پیار دے‘‘ کی ریلیز تاخیر کا شکار ہوگئی

رسائی نیوز ویب ڈیسک: بالی ووڈ کے سینئر اداکار اجے دیو گن کی فلم ’’دے دے پیار دے‘‘ 15 مارچ کو بھارت سمیت دنیا بھر کے سینما گھروں کی زینت بننا تھی تاہم اب اسے 17 مئی کو ریلیز کیا جائے گا۔’دے دے پیار دے‘‘ کے فلمسازوں کا کہنا ہے کہ انہوں نے فلم کی ریلیز کی تاریخ میں ردو بدل ’’ٹوٹل دھمال‘‘ کی وجہ سے کیا ہے، اس فلم میں بھی اجے دیو گن ہی مرکزی کردار ادا کررہے ہیں اور یہ فلم 22 فروری کو ریلیز ہوگی، بزنس کے اصولوں کے مطابق یہ صحیح نہیں کہ ایک ہی اداکار کی دو فلمیں 20 دن کے فرق سے ریلیز ہوں، اس لئے اب فلم کو 15 مارچ کے بجائے 17 مئی کو ریلیز کیا جائے گا۔یاد رہے ’’دے دے پیار دے‘‘ کامیڈی رومینٹک فلم ہے، جس میں اجے دیوگن 8 سال بعد رومانوی کردار میں نظر آئیں گے۔

اس خبر پر اپنی رائے کا اظہار کریں