اب مصنوعی ذہانت کے استعمال سے ٹریفک بھی کنٹرول کیا جائیگا

ہر سال 13 لاکھ کے قریب افراد ٹریفک حادثات کے نتیجے میں جان سے ہاتھ دھو بیٹھتے ہیں جبکہ دو کروڑ سے پانچ کروڑ افراد زخمی ہوتے ہیں جن میں سے بہت سے زخمی افراد کو معذوری کا سامنا کرنا پڑتا ہے۔ اس حوالے سے اقوام متحدہ نے عالمی سرمایہ کاروں اور دیگر ممالک کو ٹریفک کنٹرول کرنے کے لئے مصنوعی ذہانت کے استعمال کا مشورہ دیا ہے۔

اقوام متحدہ کا کہنا ہے کہ مصنوعی ذہانت مختلف طریقوں سے سڑک کے بنیادی ڈھانچے کو بہتر کرنے اور ریگولیٹری فریم ورک میں جدت لاکر مدد کرسکتی ہے۔ ترقی پذیر ممالک میں سڑکوں پر ہونے والی اموات کی غیر متناسب تعداد کے تناظر میں یہ انتہائی اہمیت کا حامل ہے کہ نئی ٹیکنالوجیز کے فوائد ہر کسی کواور ہرجگہ پہنچنے چاہئیں۔

ٹیکنالوجی سے متعلق اقوام متحدہ کے ایلچی ماریہ، فرانسیسکا سپاٹولیسانو کے مطابق یہ اقدام حقیقی دنیا میں ٹیکنالوجی کے مسائل پر توجہ مرکوز کرنے کی ایک قابل ذکر عملی کوشش ہے جو لوگوں کی زندگیوں کو ایک لحاظ سے متاثر کرتا ہے۔

اس خبر پر اپنی رائے کا اظہار کریں