آئی سی سی نے نئی ون ڈے رینکنگ جاری کردی

رسائی نیوز: آئی سی سی نے نئی ون ڈے رینکنگ جاری کر دی ہے جس میں انگلینڈ پہلے، بھارت دوسرے ، نیوزی لینڈ تیسرے اور جنوبی افریقہ چوتھے نمبر پر ہے۔پاکستان ایک پوائنٹ کے اضافے کے باوجود پانچویں نمبر پر موجود ہے۔ کھلاڑیوں کی رینکنگ میں ویرات کوہلی کا بیٹنگ میں نمبر ون پوزیشن پر قبضہ برقرار ہے۔ بابراعظم پانچویں اور فخر زمان گیارہویں نمبر پر ہیں ۔ بولنگ میں بھارت کے جسپریت بومرا پہلی ، افغانستان کے راشد خان دوسری اور پاکستان کے حسن علی 13 ویں پوزیشن پر ہیں۔ آل راؤنڈرز میں افغانستان کے راشد خان نمبر ون پوزیشن پر ہیں، پاکستان کے محمد حفیظ چوتھے نمبر پر ہیں جبکہ عماد وسیم 22 ویں پوزیشن پر ہیں۔

اس خبر پر اپنی رائے کا اظہار کریں